ഗതികേട്

പാഠപുസ്തകങ്ങളില്‍ പൊതുവിജ്ഞാന രേഖകളില്‍ സര്‍ക്കാര്‍ വിചാരിപ്പുകളില്‍ പീലിവിടര്‍ത്തിയാടിയിരുന്ന ഒരു ആണ്‍മയിലിതാ പഴന്തുണി ചുററിയ പിച്ചക്കാരനെപ്പോലെ പീലികാകാവടിയും ലാസ്യഭാവങ്ങളുമില്ലാതെ നനഞ്ഞൊതുങ്ങി മുററത്തുകൂടി കൊത്തിപ്പെറുക്കുന്നു.

മിണ്ടണം

….... ഏറെ വൈകി വീട്ടിലെത്തിയ ഭര്‍ത്താവ് തെല്ലാശ്വാസത്തിനായി ചാരുകസേരയിലിരിക്കുമ്പോഴാണ് ഭാര്യയുടെ വാ തോരാതുള്ള വര്‍ത്തമാനം പറച്ചില്‍. “നീയൊന്ന് മിണ്ടത്തിരിക്കുന്നുണ്ടോ...” :സഹികെട്ട് ഭര്‍ത്താവ്. “രാവിലെ ഏഴുമണിക്ക് ഞാന്‍ ഒരാളോട് മിണ്ടിയതാണ്.. ഇനിയെങ്കിലും എനിക്കോന്ന് മിണ്ടണം"